منو منكم مر عليه في شارع دمشق ؟
عند لفة فوق تحت اللي مقابل المعهد الديني في قرطبة
واقف ينظم السير مع ابتسامته المليئة بالرضى
ايا كان الجو حر او برد نشوفه واقف يرد على تحيات الناس اللي تمر عليه
يدقون له هرن و يسلمون عليه و في عيونهم الامتنان و التقدير
من كم يوم عرفت اسمه من الدعاية اللي بالتلفزيون
وكيل ضابط محمد بلال
مواطن كويتي يعتبر رمزا للاخلاص في العمل
له مني كل التقدير و الاحترام
دعيت له بالسر لما كنت امر عليه بسيارتي
و ادعيله الحين و لكل مخلص و متفاني في عمله
الله يكثر من امثالك
و جزاك الله كل خير
ثبته الله وانار طريقه
ReplyDeleteويسر له امره
وبعد عن الحسد والغيره
مشكور
Mashallah 3ala ebtsamtah...3asa allah ya36eeh al3afia o yegawih o ye5aleeh 7ag ahalah :)
ReplyDeleteأرشح ترقية المخلص في العمل محمد بلال إلى رئيس وزراء
ReplyDeleteخوش وآحد و صج أذكيآء فيفا لأنه بحق مثال ممتاز للوفاء .. تدرين سايقنا المصري يقول قبل 13 سنه اهوا معطيه مخالفة بشارع دمشق ..
ReplyDeleteيرسم ابتسامه بويهي و الله كل ما أشوفه عند مدخل منطقتنا و الحلو ابتسامته بعز الحر تبرد عليه و علينا
و سلامه لأختي اللي مطلعه راسها من الدريشه تسلم و تصرخ
"عمي الشرطي "
بس السؤال لي متى ناويين يخلونه وكيل ظابط، أمثاله يستاهلون أعلى المراكز ؟
مشكووره ريمآس
مدونة حلوة
كل انسان يقوم بعمله بجد واخلاص
ReplyDeleteيستاهل كل الاحترام
مبارك عليكم الشهر :)
إخلاص + إبتسامة
ReplyDeleteتعمل الأعاجيب
هذه هي سر شعبية أخونا الشرطي بلال
لله يحفظه ويعطيه الصحة والعافية
Amazing guy
ReplyDelete9j y36eh alf alf alf 3afya!
الله يحفظه ويعطيه الصحة ويبرد عليه وعلى قلبه وين ماكان...
ReplyDeleteانا لازم اعطيه هرن مع سلام تعظيم كل ما مريت عليه
ربي يبارك له ولايحرمه روحه احللوة
مساك الله بالخير..
ما شاء الله عليه
ReplyDeleteربي يعطيه الصحه و العافيه
و يجزيه خير و كل من يتفاني بعمله و خدمة وطنه
شكرا لتفاعلكم و دعواتكم
ReplyDeleteفعلا يستاهل الاحترام و التقدير
و الله يكثر من امثاله
احنا في حاجة لمثل هالاخلاص
تحياتي لكم
صحيح خوش قدوة و مثال حق الشرطة اليدد الي حسبالهم ادش الشرطة تلاقيه عنده عداد جم وحدة رقم بالساعة بالسنة وبعدين مو الكل لهم اخلاص في وظيفة الشرطي الاغلب ماخذين الشرطة على بوانه عبط و وناسة و الاقليه الي عسى ربي يكثرهم و يزيدهم و يهدي عقول الاغلبية و يصيرون زينين يحبون يخدمون الوطن مو مجرد واحد ساق دورية خلص شفته و لقى الشارع زحمة زر واحد بطل التريكات و الصوت على بو انه عنده حالة طارئة تلاقونه معدي الناس و الزحمة ولين يعديهايطفيفا ولا شرايكم
ReplyDeleteTranquility
ReplyDeleteاي والله كلامج في محله
للاسف عندنا بعض افراد الشرطه ما تستاهل تلبس البدله اللي عليهم
لا حول و لا قوة الا بالله
يعطيج العافيه
تحياتي
allah yeslamich reemas dear
ReplyDeleteفخر للكويت
ReplyDeleteوفخر لعياله وأهله بعد
عسى الله يحفظه ويبارك له في كل أموره
وإن شاء الله يتخذ منه قدوة وعسى الله يكثر من أمثاله
الحمد الله يعني الدنيا لي اللحين بخير
^_^
خاتون
ReplyDeleteلو خليت خربت
الحمدلله
الله يعطيه العافية ٢٧ سنة خدمة ما شاء الله بالشمس والغبار والبرد وبالشارع واقف من ٦٣٠ صباحاً حتى ٣ عصراً ينظم الطريق والابتسامه ما تفارقه ونعم القدوة للداخلية والكويت لا غير تلبية طلبات مدارس رياض الاطفال والابتدائي لزيارتهم لسعة صدره مع الصغار والكبار والله ان محبة الناس رضا من رب العالمين سبحانه . (اخوكم/ ابو عبدالرحمن من سكان سلوى(
ReplyDeleteالله يعطيه العافيه أنا جارهم بكيفان قطعة (١) وأعرفه مع اهله منذ الصغر وكلهم يحبون الخير للغير للصغار والكبار والله يرحم والديهم واجداهم خصوصا جدة امهم (ام يونس) أمينة الربيعة .
ReplyDelete