Monday, October 26, 2009

الانسان مقابل الثور


تكلمنا في بوست سابق عن المواجهة
بين الحصان و الثور
و رأينا الابداع في تدريب الحصان

اليوم اقدم للناس اللي يتعاطفون مع الثور
الفيديو هذا اللي راح ان شالله يبرد جبودهم
لاني انا واحد من الناس اللي يشجع الثور

و احب اشوفه ينتقم من هالبشر
اللي مو مخلينه في حاله

زين يسوي فيهم و قلعتهم
هههههه
راح تقولون دكتور شرير
:)

لكني بصراحه يكسر خاطري الثور
و طبيب الخفاره اللي يومها راح يجابل اصابات هالمهابيل





سؤال

منو فيكم مستعد يتمشى في هالشارع ويا هالناس و هالثور ؟

انا عن نفسي لا شكرا مابي
اقعد في بيتي ابرك لي

تحياتي




18 comments:

  1. صبحك الله بالخير دكتورنا ،،،، منو الي بايع عمره يتقشمر مع ثور بهيمه قلعته ايتحمل
    بعدين انا ما احب اي مسابقة او رياضة فيها عنف او دموية انا حتى بوستك الى فيه مصارعة الثيران ما احب الاذي للحيوان و لا العنف شيء مزعج
    بس كل الي اقدر اقوله لهم "انت بديت ..انت اتحمل " وقواك الله دكتور اشوا انك مو دكتور الخفاره الي عندهم
    :))

    ReplyDelete
  2. كما تدين تدان
    ههههههههههه هذا الثور اخذ بثار اجداده

    نمشي ومثل هالثور بالشارع
    بايعين اعمارنا مو سالمين من القطاوه الي يتمخطرون بالخط السريع
    هالمرة ثووووور !!

    شكراً

    ReplyDelete
  3. هههههه بطل هالثور
    وعلي قولتك الله يعين دكتور الخفارة
    بس ماني قادرة افهم شلون رياضة
    حركة الاعب محدوده ومايبيلها ذاك التركيز بس مجرد استفزاز للثور المسكين

    الله يعطيك العافية دكتور

    ReplyDelete
  4. مساء الخير
    مستحيل أمشي بمثل هذا الشارع لأن الفيديو ما قدرت أكمله ..أكره العنف
    دكتور ..عودتنا على بوستات أقوى من جذي ..واحنا في انتظار الأقوى
    تحياتي لك
    هدى

    ReplyDelete
  5. Engineraa

    مساج الله بالخير مهندستنا
    سامحوني اذا ضايقكم البوست لانه عنيف شوي
    و انا معاج ماحب الاذي لاي حيوان
    بس هني اللي وسني انه الثور طلح حرته بالناس
    :))

    ReplyDelete
  6. نمووول

    ههههههه
    ذكرتني بلقطة
    انا بخاف من الكلب يطلعلي اسد

    ReplyDelete
  7. Sweet Revenge

    اعتقد هذا البوست يصلح له اسمج
    sweet revenge :))

    هذا احتفال اكثر منه رياضه
    مالت عليه من احتفال

    ReplyDelete
  8. هدى

    مسج الله بالنور
    سامحيني علي البوست العنيف شوي
    ان شالله ما يصير خاطرج الا طيب
    غاليه و الطلب رخيص

    ReplyDelete
  9. السلام ..

    اح شالاحتفال قطع ..

    واهما خبول يركضون جدامه واي احس اني تكسرت ..

    بس الحلو انه يالاغلب يساعد بعض..

    عن نفسي مو بايعه عمري والله سبحانه قال بما معناه لا تلقوا بانفسكم الى التهلكه ..

    مشكور ..

    ReplyDelete
  10. أضم صوتي لصوتك...لا شكرا
    !!!!!!

    بس هذا ما يمنع ان ودي ادز جم واحد واقطه بالشارع جدام هالثيران
    :)

    ReplyDelete
  11. ...السلام
    مخابيل بكل ما تعنيه الكلمة من عنى
    أهمـ الشي اللي راح جبال الثور ورافع أيده يكون مستسلم
    صج لي قالوا...ما أردى من المربوط إلا المفتلت
    و شي محيرني الجلب شمدخله بينهم آوادم و ثور شمدخله بينهم
    لووووووووووووووووووووووووول
    أضحك الله سنك كما أضحكت سننا

    ReplyDelete
  12. رورو الشخبوطه

    حياج الله
    صح الواحد مو بايع عمره
    :)))

    ReplyDelete
  13. Jako

    اي واللخ يبتها صح
    صج عندي وايدين يبيلي اقطهم جدامه و اقوله شوف شغلك

    ReplyDelete
  14. خاتون

    الحمدلله انج ضحكتي
    ان شالله دوم الضحكه و الابتسامه ما تفارقكم يا رب

    ReplyDelete
  15. ههههههههههه اي والله سويت رفنج

    بس انا انتقامي من نوع مختلف
    دكتور لي بوست اشرح فيه سبب اختياري للاسم اقراه وعطيني رايك
    انتقامي حلو وايد حلو ;)
    http://sweetrevengeq8.blogspot.com/2009_05_01_archive.html

    ReplyDelete
  16. Sweet Revenge

    ان شالله من عيوني
    راح اقراه و اعلق عليه ان شالله

    :))

    ReplyDelete
  17. الصراحه قلعتهم .. يتحرشون فيه وهم مستانسين عقب يبجون بلي يسوي فيهم .. وانه معاك اقعد ابيتنه ابركلي من هالثيران لوول

    ReplyDelete
  18. fatto

    ههههه
    حياج الله فاتو

    ReplyDelete