Tuesday, November 3, 2009

Riverdance



I love riverdance.

من شفتهم و انا حبيت رقصهم و استعراضاتهم
بصراحة اتقان في الحركة و التزامن
و ايقاعهم جميل

ريفر دانس عبارة عن استعراض بدأ في منتصف التسعينات
و يعتمد على الرقص الشعبي الايرلندي
Irish Tap Dancing
و الرقص التقليدي الايرلندي رقص قديم
يرجع تاريخه لما قبل ايرلندا المسيحية
و يعتمد هذا النوع من الرقص علي الحركة السريعة للارجل و الاقدام
في حين يظل الجسم و الذراعين شبه ثابتين
و قد اختلفت التفسيرات عن سبب ثبات الذراعين

وقد نشر المهاجرون الايرلنديون هذا النوع من الرقص لباقي دول العالم مثل امريكا و استراليا
و منهم اخذ الامريكان هذا الفن
مثل ما شفنا في بوست المطر السابق شلون جين كيلي
كان من المشاهير اللي رقصوا التاب دانس في امريكا
بس بطريقتهم الخاصة

****
بعد اول استعراض لهم في التسعينات
فرقة ريفر دانس اكتسبت شعبية كبيرة
و بدات تلف العالم و تقدم استعراضاتها
و اعتقد انهم زاروا دبي

و الحين اترككم مع اختياراتي
و ان شالله تعجبكم





تحياتي


6 comments:

  1. اولا مبروك على الايفون تهرونه بالعافية انشاء الله
    اختيار موفق :)
    ----------------------------
    انا احب هالرقص احس الايقاع مميز و متعوب عليه بس للاسف ما شفت للحين عرض لايف
    كلهم ديفيدي
    -------------------------
    حتى اني تمنيت اني اتعلم هالرقص (عندي قائمة طويلة اب اشياء ابي اتعلمها و مو موجودة بالكويت و هالرقص منها :((
    --------------------------------------
    بوست مميز كالعادة يا دكتور

    ReplyDelete
  2. om comment kuwait

    الله يبارك فيج
    شكرا

    والله هالرقص يحتاج لياقه عاليه و تمرين
    و للاسف طافتني حفلتهم اللي في دبي

    تهقين ييبونهم في هلا فبراير ؟
    ههههههه

    ReplyDelete
  3. دكتورنا الفاضل ،،،ابدعت باختارك
    قمــــــــــــــة الروعــــــه
    التزامن الحركي الايقاعي عجــــيب
    معروف عن الايرلنديين ببخلهم بس الظاهر انهم سخيين بفنهم
    وانت بعد سخي علينا باختياراتك الجميله

    ReplyDelete
  4. i love Riverdance & Irish music/dance in general.

    wish they come to Kuwait.

    thnx for the post :)

    ReplyDelete
  5. Engineraa

    و انتي سخيه معاي بثنائج و اطرائج
    نورتي المدونه مهندستنا

    شكرا
    :))

    ReplyDelete
  6. just a bunch of thoughts

    you r more than welcomed
    mmmm coming to kuwait ?? forget it :S

    thx for the comment :))
    im glad u liked it

    ReplyDelete