Friday, December 4, 2009

reemas



اليوم حبيت اجاوب على السؤال
اللي تكرر اكثر من مره
عن معنى اسم مدونتي
او عن سبب اختياري لهذا الاسم

****

اسم المدونة
reemas

بكل بساطه هو اسمي الحقيقي
لكن اذا قريتوه من اليمين لليسار
يعني اسمي معكوس
نفس الصوره اللي حاطها في البروفايل
و هي انعكاس لظلال ولدي في الماي

:)
الحين عرفتوا السر ؟

المشكله الكل ظن في البدايه اني بنت
او اني حاط اسم بنت

****
بصراحه فكرت وايد شنو أسمي مدونتي
و لما لقيت معكوس إسمي بالانجليزي
ينقرا ريماس عجبني الاسم

و دورت معنى كلمة ريماس
و لقيت وايد اختلافات في معنى الكلمة و اصلها

لكن راح انقل لكم التعريف اللي اعتقد انه يميل اكثر للصحة

اصل الكلمة من الالماس والريماس هي حلية ( مجوهرات) مكونة من الذهب المطعم بحجر كريم ، وعادة ما يكون الألماس ، أي أنها خليط بين النوعين في نفس الوقت أو عبارة عن تزيين الذهب بالألماس . وقيل معنى ريماس بريق الالماس وقيل قلب الالماس
و اصل الكلمة فارسي
وقيل ان احد ملوك الفُرس كان لديه حليه عجيبة في زمانها من جمالها ودقة صنعها يقال لها ريماس.

و يوجد لبس كبير عند البعض
بين كلمة ريماس و كلمة رمس
و يدعي البعض ان ريماس كلمة مشتقه من الرمس
فالرمس كلمة عربية تعني الدفن او القبر او تراب القبر
و من مشتقاتها المرمس و الراموس و الروامس و الرامسات
و الارتماس

في حين ان ريماس كلمة اعجمية
غير مشتقه من الرمس
و لم ترد في اي معجم عربي
و لم تذكر تحت مشتقات رمس

****
لذلك اذا كانت عندكم بنت اسمها ريماس طمنوها
ان اسمها حلو و يعني شيء جميل

****

و طبعا معنى اسمي الحقيقي معروف
و هو مشتق من السمر و التسامر
و اتمنى ان تجدوا ما تتسامرون به
في مدونتي المتواضعه

****

ملاحظة اخرى قيلت لي و هي اني ما احط اغاني عربيه
و ما اسمع الا اغاني انجليزيه
طبعا انا اميل للاجنبي اكثر
لكن هم اسمع و اتذوق الفن العربي الجيد

و هذي الاغنيه الرائعه اهدائي لكم اليوم
و هي تكملة لبوست "كلمات" السابق

و بوست اليوم ايضا عن الكلمات و معاني الكلمات
ان شالله تعجبكم




:))


26 comments:

  1. خوش اسم ...بس أنا ملاحظه انه انتشر في الفتره الأخيره بكثره
    تحياتي
    هدى

    ReplyDelete
  2. wooooow

    أول وحدة لول

    شوف سمير، انا والله من يومين ادور عن معنى اسم ريماس، ما شفتني اصريت عليك تقول ليش اسم مدونتك جذيه؟؟

    بس حركة حلوة انه معكوس اسمك مرة كوووول
    والله يخليلك ولدك اللي بالصورة

    على فكرة آنا اسمع عربي، آنا اختياراتي بالاجنبي حدها محدودة على أشياء تقريبا أغلبها كنت اسمعها بطفولتي

    حلوة الاغنية هذي احبها هي والجريدة ^_^

    ألف عافية واختيار موفق آز يوجوال ^_^

    ReplyDelete
  3. دائما أفكر أقول شنو معنى الاسم وكل ما اقول بسأل انسى :@

    وخوش اهداء....يا سلام علها وعلى صوتها هالاغنية ما احب اسمعها الا الصبح وانا رايح الدوام

    ReplyDelete
  4. هدى

    انا بعد من سميت المدونه بهالاسم و قمت الاحظه وايد يطلعلي

    :))

    ReplyDelete
  5. k-alanzi

    حياج الله كي
    و ذوقج و اختياراتج روعه بعد

    شكرا

    ReplyDelete
  6. jako

    الحين عرفت المعنى
    :))

    و حاضرين للطيبين في اي وقت

    :)

    ReplyDelete
  7. يا سلام اسم على مسمى
    انت سمير وبنفس الوقت ماسة
    لا يوجد منها اثنان
    عاشت الاسامي دكتور سمير

    ذوقك بالعربي راقي بعد
    ماجدة الرومي يعجبني صوتها
    واختيارها للشعراء والملحنين

    شكراً

    ReplyDelete
  8. توقعته إسم لبنتك

    :)

    بس وايد حلو وقع الإسم على الأذن ومعناه بعد

    ReplyDelete
  9. :)

    حقـاً أنا أيضاً تملَكني الفضول حول معنى الأسم , وتوقعت أنه أسم بنتك أكثر شيء , الحين أكتشفنا السبب , بصراحة أعجبتني فكرة أن أسمك بالمقلوب
    :)

    وشكراً للمعلومة حول معنى ريماس , أفدتنا يادكتور ..


    تحياتي ..

    ReplyDelete
  10. يعني مو مجره بعيدة؟ و يمشون على روسهم؟

    ReplyDelete
  11. نمووول

    مشكووور نمووول على الاطراء
    بصراحه كلام كبير علي و ما استحقه
    و الالماس انت و كل من يتابع و يعلق و يشجعني استمر

    و هذا من ذوقك يا طبيبنا النفسي

    :)

    ReplyDelete
  12. نون النساء

    شهاده اعتز فيها من انسانه اختارت اسم جميل و رقيق لها

    ReplyDelete
  13. ..pen seldom

    حياج الله
    :))
    يسعدني ان اعجبتكي الفكره

    ReplyDelete
  14. nice 7araka ;p
    3ashat el asamii!

    ReplyDelete
  15. والله العظيم عرفنا معنى الاسم ودرسناه وممكن نسمعه بعد :)
    بلييييييييييييييز بوست يديد من بوستاتك الحلوه على هالجو الحلو
    هدى

    ReplyDelete
  16. إذا عرف السبب بطل العجب
    فكرة ذكية...شكرا على الإجابة على تساؤلاتنا الحائرة
    ^_^

    ReplyDelete
  17. حلو إسم المدونة ..و المدونة ككل جميلة

    وفيها إحساس مرهف من حيث الصور والمواضيع ..

    تقبل مروري

    ReplyDelete
  18. very depressed

    لا مو مجره بعيده و يمشون على روسهم
    this galaxy exists only in ur delusional depressed mind.

    ReplyDelete
  19. هدى

    من عيوني الثنتين
    غالي و الطلب رخيص

    ReplyDelete
  20. خاتون

    حياج الله
    و اشوه انه عجبتج الفكره
    :)

    ReplyDelete
  21. Engineer A

    حياج الله عزيزتي
    شرفني مرورج و تعليقج الرقيق

    و قريت بروفايلج و بصراحه لا يمكن وصفه باقل من كلمة رائع

    تحياتي لج

    ReplyDelete
  22. تسلم أخوي وما قصرت :)

    ReplyDelete
  23. هلا ومرحبا اخوي سامر شلونك وشخبارك
    مشكور وايد على البوست اليوم لانه عرفنا فيك اكثر
    واسمح لي اذا لخبطت باسمك في وقت سابق
    احيي صراحتك وشجاعتك , والله يخليكم اسرتك وكل عيد وطني وانت واهلك بخير يا رب
    زميلتك بالتدوين
    دانة من الكويت

    ReplyDelete
  24. الدانه

    هلا بدانتنا العزيزه
    مشكوووره علي الزياره اللطيفه هذي
    وايد اسعدتني
    و ان شالله ما تكون الاخيره
    اتمنى تتصفحين المدونه
    راح تلقين اهداءات حلوه للحب
    :))
    تحياتي

    ReplyDelete
  25. ههههههههههههههههههههه

    وانا عبالي بنت

    ونعم فيك والله

    بالعكس مقالاتك حلوه وهادفه وهاذه المضمون والمهم

    ReplyDelete