Monday, May 31, 2010

ريماس و التاج السلطاني




قوانين التاج السلطاني:
اذكر اسم من طلب منك حل هذا الواجب
تحدث عن ستة أسرار قد لا يكتشفها من يقابلك للمرة الأولى
حول هذا الواجب إلى ستة مدونين، واذكر أسماءهم مع روابط مدوناتهم في موضوعك

اترك تعليقا في مدونة من حولت الواجب إليهم، ليعلموا عن هذا الواجب

****
في البداية حبيت اقول أملكم اقول اسراري في مدونة
بايع عمري انا 
:)))
لكن مثل ما قالت نيكون في دار عزيزة
هي صفات اكثر منها اسرار
قد تعطي انطباع غير حقيقي عني في البداية
و سأذكر لكم بعض هذه الصفات و راح تكون صفات شخصية
نبدأ باسم الله
****
من طلب مني المشاركة
الزين اولا
و كمبيوترجي ثانيا


الاسرار الستة
١. عادة اللي يشوفني ما يقول عني كويتي
خصوصا اذا مو لابس دشداشة
يمكن لأني أبيض
٢. احب الضحك و الغشمرة و اللي يشوفني
ما يتوقع اني ممكن اكون عصبي
و ممكن انفجر في اي لحظة
و اللي يخليني اغضب اكثر شي
هو ان ارى شخص امامي لا يحترم نفسه
و بالتالي لا يحترم غيره ويتطاول على حقوقهم
٣. مع اني دايما اطلع مع عيالي و الناس تشوفني معاهم 
لكني ماحب اليهال و ازعاجهم و تنرفزني صيحتهم
لاني احب الهدوء و أحب يكون لي وقتي بروحي
 عشان جذي انا احب السهر و في العطل أواصل للفجر
مستمتعا بالهدوء بروحي و الكل نايم
و سميري الوحيد الانترنت
٤. احب النوم وايد لكن في اخر سنتين
انحرمت من فترات النوم الطويلة بسبب كثرة الهموم
و صار نومي متقطع
فعلا ودي انام نومة طويلة هنية من زمان ما نمتها
٥. مع اني احب البحر لكني ماعرف اسبح - ادري فشلة
و احب البس لبس رياضي مريح
و اللي يشوفني يحسب اني رياضي
ما يدري ان بيني و بين الرياضة طلاق بائن لا رجعة فيه
لا بالممارسة و لا بالمتابعة
٦. مزاجي ادخن سيجار خصوصا مع القهوة
و مرات اللي يشوفني يعرض على سيجارة
اقوله شكرا بس انا مادخن
طبعا يبق عينه ما يدري اني عمري ما دخنت سيجارة


و سلامتكم


****

الستة اللي امرر لهم التاج


المثقف الفيلكاوي المشاغب جاكو
الزميل المبدع نمووول 
مهندستنا العزيزة ENGINEER A صاحبة مدونة  Q8 DREAMER
MA VIE .. MA JOIE
الجودي
المقوع الشرقي



تحياتي

21 comments:

  1. نتشابه بامور ادهشتني
    وبخليها بيني وبين نفسي

    بوحك جميل
    والله يبعد الهم عنك وعن كل من تحبهم
    ويحفظك لبيتك وعيالك ولعين تغليك

    شلونك الحين بعد العملية؟

    ReplyDelete
  2. شكرا لإطلاعنا على صفات لا نعرفها فبك عن طريق التدوين
    :)
    كثيرة هي التناقضات التي تجمع ما بيننا
    قول آمين
    عسى الله يريح بالك وتنام مثل ما تتمنى
    :)
    مسا الخير

    ReplyDelete
  3. لايق عليك التاج السلطاني دكتور.. ومطلعك "كويتي" :)

    اشكرك وايد على تمرير هالتاج السلطاني لي "مع انها وهقه" وبأحاول رغم انشغالي اني أجاوب عليه
    تسلم وماقصرت :)

    ReplyDelete
  4. أمعتنا والله دكتور و إحنا نقرالك الـ 6 صفات ..
    عسى الله يطمن قلبك ، و تنام نومه هنيه

    ReplyDelete
  5. الله يشرح صدرك بالعفو والعافية وتنام نومة هنية!

    عاد انا ما احب النوم ، واتمنى انام مثل الناس!

    ***

    البحر
    موضروري تعرف تسبح
    المهم تحبه
    :)
    هذا اهم شي
    ***

    ReplyDelete
  6. مشكوووور دكتور على الواجب بحاول أحله اليوم أو باجر على الكثير ولو إن الواجب دخل عرض على إجازتي بس اشوه الفندق في إنترنت و إن شاء الله الموضوع سهل بس ما ادري شنو بقول

    النقاط السة إلي قلتهم فيهم شغلات وايد احسها فيني و جني توهقت اكثر لوووول

    بس ما عليه إن شاء الله لها حل ومشكور مرة ثانيه على الدعوة و على فكره كنت ناويه ادعيك اليوم على التاج بس سبقتني
    :)

    ReplyDelete
  7. ما عليك زود يا دكتور
    هذي كلها صفات طيبة
    لكن تدري
    زعلتني بهذي انك مدخن و لما احد يعرض عليك سيجارة ترفضها و تقول ما ادخن
    طيب افرض شافك و انت تدخن ؟
    هههههههههههه
    <<<< يدور على الاحراج

    ربي يحفظك دكتورنا
    و لك مني كل الود
    اخوك
    كمبيوترجي

    ReplyDelete
  8. مساء الخير
    انا احب السهر و في العطل أواصل للفجر
    مستمتعا بالهدوء بروحي و الكل نايم
    و سميري الوحيد الانترنت

    ماعتبره سر :)
    شكراً لك على مشاركتنا ببعض صفاتك
    والله اشوف اغلبها جميلة
    وسيجارك علي شتبي بعد هههههه

    وشكراً على تمرير الواجب

    تحياتي ,,

    ReplyDelete
  9. Doctor...my dear Doctor!!! Thank you! wahagtni...now I have to think and I'm too tired to think ;p
    ana 3aksek...ma7eb alnom...
    inshallah allah yeb3ad 3anik al ham! w ya36eek ra7at albal! ;)

    ReplyDelete
  10. الزين

    اولا شكرا علي هالتوريطه الحلوه منج
    ثانيا انا بخير الحمدلله
    بس مليت من قلة الحركة
    ثالثا يسعدني اننا نتشابه في بعض الامور
    بس لا يكون تدخنين سيجار ؟؟
    هههههه
    و شكرا لدعواتج
    ما تقصرين يالزين

    تحياتي و ودي
    :)

    ReplyDelete
  11. Nikon 8

    صباح الخير نيكون
    و انا ما قلت اللي قلته الا لاني احس
    انا اصبحنا عائله وحده
    و انتي كنتي من اللي راح امرر لهم التاج لكن غيري سبقني

    شكرا نيكون علي الدعوات الرقيقة

    ReplyDelete
  12. Engineer A

    الله يسامح مشاغلج اللي ماخذتج منا
    بس الله يكون بالعون
    زين اللي قدرت اسحبج شوي من مشاغلج
    و اورطج مثل ما انا تورطت
    :))

    ReplyDelete
  13. Reem

    و امتعني اكثر ان تكوني ممن قرأهم
    شكرا ريم للدعوة الرقيقة
    و الله يطمن قلوبكم بعد
    قولوا امين

    ReplyDelete
  14. مي

    اسعدني مرورك
    شكرا على الدعوه الرقيقة
    الله يسمع منج و وياكم ان شالله

    والله كثرة النوم مي زينه بس مرات الواحد وده يدخل في غيبوبه قصيره
    يجدد نشاطه عقبها
    و اما البحر لا تحاتين
    وايد احبه
    :)

    ReplyDelete
  15. الجودي

    حياج الله اي وقت يالجودي
    و اجاز سعيدة و ممتعه ان شالله
    و الواجب اخذي راحتج فيه في اي وقت
    دام انج في اجازه

    و شكرا علي نيتج توريطي

    :))

    ReplyDelete
  16. كمبيوترجي

    بس انا فعلا ما ادخن سجاير
    و لا عمري دخنت سجاير
    بس مرات احب ادخن سيجار فقط

    شكرا زميلنا العزيز

    ReplyDelete
  17. نمووول

    انا قتلكم املكم اتكلم عن اسراري هني
    لكن هي مجرد بعض الصفات
    و انا ناطر السيجار
    ماقول لا
    :))
    حياك الله اخوي نمووول

    ReplyDelete
  18. Ma Vie.. Ma Joie

    hehehe my pleasure .. any time :p
    take ur time and think whenever u r in the mood .. no hurry
    thx dear for the lovely wishes

    tc

    ReplyDelete
  19. فما أطال النوم عمرا
    ولا قصر بالأعمار طول السهر
    :))
    الله يرزقك الصحة والعافية وراحة البال اللي أهي اهم شي
    سعيدة بمشاركتك لنا..صفاتك
    وشكرا على الثمريرة والتوهيقه

    وراي هوم وورك
    :)

    ReplyDelete
  20. http://maviemajoie.blogspot.com/2010/05/im-sultana.html

    I replied Doc. check it out ;)

    ReplyDelete