Wednesday, June 9, 2010

تخرج طيوبه


امس كانت حفلة تخرج بنتي
الانسة طيوبه الحبوبه
بنتي الوحيدة من عقب ٤ صبيان
تخرجت من ثانية روضة و راح تروح اولى ابتدائي ان شاءالله


شفتها و هي ترقص و تغني و تطالعني و تبتسم
بس كانت رزه .. اسويلها باي باي ما ترد علي
يعني ثقل و تكانه عشتوا 
عيزت و انا امش دموعي و انا اشوف الفرحة  في عيونها 
و ابتسامتها لما شافتني انا و امها حاضرين
شكثر كانت توصينا نحضر حفلتها
الله يخليها و يحميها و يوفقها

****
 طيوبتي اهديج هذي الاغنية


معلومة
من اللي كانوا يغنون بالكورال في هذي الاغنية
عبدالمجيد عبدالله و خالد الشيخ

تحياتي



17 comments:

  1. مبروووووووووووووك طيوبة و لأم و أبو طيوبه بعد منها لأعلى و الفال لما اتمشش ادميعاتك على تخرجها من الجامعة أما في زوجها بليز بدون دموع علشان ما اتخرب السكبه

    الله يحفقظها لك أمس كان يوم اختفالات في غالبية مدارس رياض الأطفال الله يحفظها لكم و يرزقكم برها أهي و اخوانها و يوفقها اللهم آمين

    :)

    ReplyDelete
  2. لف مبروك
    يا حلو البنيات
    :)
    يبلغك فيها انشالله


    الأغنية حلوة
    واختيارها موفق
    :)

    ReplyDelete
  3. على البركة وعقبال الثانوية والجامعة
    الله يحفظها لكم ويحفظك مع أمها لها
    :)

    ReplyDelete
  4. ياربي بجاه نبيك تطرح فيهم البركة وتشوفينهم ياريماس أطبا ومهندسين ومواطنين صالحين يرفعون راسج
    بس لو تحطين لنا جم صورة لطيوبة بحفلتها
    محمد

    ReplyDelete
  5. خنقتني العبره
    ما اعبر على هالمواقف
    عسى ربي يبلغك فيها عروس
    ويذوقك منفعتها

    ReplyDelete
  6. الله يبلغك فيها عروس انشاالله ياحلو حفلات الروضة كلها براءة وعفوية ويحلوهم لما يشتطون جدام أهلهم

    من يومين أنا كنت في حفلة بنتي حسيت أن في جوانب بشخصيتها أنا للحين ماأعرفها وخصوصا لما وقفت ورا الميكروفون وغنت عجبني حضورها اللي ما كنت متوقعته

    الله يخليك حق عيالك انشاالله وتفرح فيهم

    ReplyDelete
  7. وي وي وي


    سلم قلبها
    الله يخليها لكم ويخليكم لها يارب


    الله


    هالاغنيه ابوي كله يغنيلي ياها

    :))

    ReplyDelete
  8. يا مال ربي يحفظها لك و تفرح فيها و تشوف اولاد اولادها يا دكتورنا الغالي الله يقر عينك و عين زوجتك فيها

    عقبال نسمع خبر تخرجها بدكتوراه تعتز فيها
    الله يحفظها الله يحفظها الله يحفظها

    تحياتي يا دكتور
    اخوك
    كمبيوترجي

    ReplyDelete
  9. الف مبروووك التخرج
    وعقبال شهادة الدكتوراة ان شاء الله
    الله يحفظها ويبلغك فيها ويخليك ذخر لها

    تحياتي ,,

    ReplyDelete
  10. الف الف الف
    الف الف
    الف

    مبيرووووووووووووووك

    ريماس على تخرج طيوبه

    وان شالله يارب تشوفها عروس

    الله يخليها لك يارب

    ReplyDelete
  11. الله يبلغك فيها مع إخوانها
    تخرج من الروضة وتمش دموع
    عيل بالتخرج من الجامعة والزواج شنو بتسوي
    ؟؟؟؟
    :))
    قوي قلبك شويه
    عساهم من الذرية المباركة
    :)

    ReplyDelete
  12. مبروك

    وعقبال مانشوفها دكتورة مثل ابوها

    ReplyDelete
  13. هههه
    وي انا قريت العنوان بجيت

    الله يبلغك فيها انشالله
    عيل لو تتزوج شيصير فيك
    الله يبلغك فيها عروس انشالله

    ReplyDelete
  14. مبروك التخرج

    الله يخليها لكم
    أنا ما اتحمل هذي المواقف وما ألومك اذا دمعت عيونك :)

    ReplyDelete
  15. الف مبروكـــ عقبال الجامعه

    ReplyDelete
  16. Mabrouk Tayooba!!! Inshallah ta'7arej alJama3a!!! we tefra7 feeha 3aroos!!! :)

    ReplyDelete
  17. شكرا لكم جميعا
    و شكرا لدعواتكم الرقيقة
    الله يبلغكم بعيالكم يا رب
    و يحفظكم و يحفظهم من كل شر

    بالنسبة لدموع الروضه غير
    لاني شفت في عيونها فرحة البراءه و هذي اول فرحه لي في طيوبه
    اول حفلة احضرها لها
    لازم تكون غير
    علي ما توصل الجامعه اكون مليت و تعودت علي الحفلات و المناسبات
    هذا اذا كنت عايش وقتها

    جزاكم الله كل خير
    و الله لا يحرمني منكم جميعا
    تحياتي و ودي

    ReplyDelete