Thursday, August 12, 2010

متعة الأكل


يرتبط شهر الصيام بالأكل
هذه مفارقة طريفة لكن صحيحة
و يكثر الكلام عن الطبخ و الوصفات اللذيذة
و الكل يحاول التفنن في تقديم الوصفات المركبة و المعقدة
كنوع من التجديد و التنويع
و لكن 
هناك متعة ايضا بالبساطة

بالنسبة لي هناك أكلات بسيطة و لذيذة
اعتبرها احدى متع الدنيا و اتلذذ كثيرا بأكلها
أغمض عيني و استمتع بمذاقها
راح اشارككم اليوم ببعض هذه المأكولات البسيطة
بعيدا عن الطبخ المعقد

The Things I Crave For   

١
Fresh Bread

اي خبز طازج توه طالع من التنور احب اهجم عليه و اكله
و لا انطر ارجع البيت عشان اذوقه
و عادة اذا رحت اشتري خبز ايراني
اشتري خبزة زيادة للطريق
اكلها بالسيارة
و احترم المطعم و احرص اروحله
اذا كان يخبز الخبز عنده و يقدمه فريش

٢
البيض المقلي بأنواعه

سواء بيض عيون او مخفوق او اومليت
و بالذات الاومليت
احب ريحته و شكله و طعمه

و طبعا لا تنسون الذ الذ اكلة بيض
هي بيض و بلاليط
اموت فيها

٣
سلطة مشكلة

احب جميع انواع السلطات
و ما امل من اي سلطة
خصوصا اذا كانت مقاديرها و صلصتها مضبوطة

٤
Extra-Virgin Olive Oil and Cheese

الجمع بين زيت الزيتون و الجبن الابيض و الزيتون و الطماط
من اروع و الذ متع الاكل عندي
احب اتلذذ في هذي الوجبة
خصوصا اذا كان الجبن موزيريلا البافلو
او اي جبن ابيض قليل الملوحة

٥
French Fries and Baked Potato

من متع الاكل البطاطا بأنواعها
لكن احلى شي استمتع فيه
هو البطاطا المقلية و البيكد بوتيتو
خصوصا مع جبن الشيدر و الكريمة الحامضة
و أحب اكل البطاط اللي تحت القشر

٦
Chocolate

لن تكتمل متعة احساس التذوق عندي
الا بالتحلية بشوكليت كيك
او اي نوع من انواع الكاكاو البلجيكي او السويسري
متعة الكاكاو  لا تقاوم

****
شنو الاكلات البسيطة اللي انتو تحبونها ؟
****

اتمنى لكم فطورا شهيا مباركا
و تقبل الله طاعتكم

25 comments:

  1. والله يا دكتور قمت أقرا وأبولع بريجي :)

    ذوقك بالأكل حلو

    بالنسبة لي أمووووت على الخبز أكيد وأفضل الفريش والحار اللي توه طالع من الفرن

    وأحب السلطة اليونانية وسلطة الناتشوز

    أعز الأكل التركي بشكل خاص

    والحلو امممم أحب الإلبه و حلو الكاكاو :)

    يعت وانا صايمة :)

    ReplyDelete
  2. يووووعان والحين قاعد اشوف البوست الساعه ٦ اذا فطرت اثمي عليك :-)

    البطاط والحلو والبيض بس ناقصهم العيييش ومطبق السمج

    ReplyDelete
  3. أوافقك الذوق

    ما بقى شي على الفطور أشوه لووول

    مساء الخير

    ReplyDelete
  4. مفس الأكلات البسيطة اللي أحبها
    وبالذات
    الشوكولاته الفاخرة
    الخبز بأنواعه وشيخهم الخبز الأيراني
    البيض بالبلاليط
    الجبن الأبيض مع زيت الزيتون وملحقاته بس أنا أضيف عليه ورق ريحان أخضر طازج والجبن أحبه أبيض بكل أنواعه وبالذات الحلوم والفيتا الفرنسية
    الزيادة اللي عندي إني أحب الروبة
    وأحب النخي والباجيلا مع الخبز الإيراني
    عوافي إنشاء الله
    تقبل الله طاعتك
    :)

    ReplyDelete
  5. عزيزتي ريماس
    صج إنج هيجتي علي جروح
    والدتي الله يحفظها من وعينا على الدنيا وهي عندها تنور وتعجن وتخبز من طحين بو ثلاث أصفار
    صدقي بالله إنه من اللذة ممكن عشاج يكون كله بس خبز
    لكن للأسف بعد ماصار فيها السرطان والعملية ايدها تعورها وماتقدر تعجن وتخبز مثل قبل...
    لا وسكنا جدام خباز بعد وكملت
    لذلك فإنني أرشح أن يكون الخبز الطازج هو الوحيد المؤهل أن يدرج ضمن موضوعك مع استبعاد العناصر الأخرى من القائمة
    تحياتي

    ReplyDelete
  6. ماكو على البلاليط

    :P

    ReplyDelete
  7. kl 3am w enta b5air :P


    shwagtni 3lakl

    t7yati

    ReplyDelete
  8. مباركْ عليجْ الشهر
    واي يوعتيني :× ..
    -
    امممـ ..
    أحب فتوش و تبوله ..
    و عصير ليمون بالنعناع فرررشْ
    و كل انواع البطاط :×..
    -
    فوحي البطاط ..
    و عقب ما تخلصين
    قشري
    سوي خلطة سرية :×
    ) مايونيز و ليمون وملح و فلفل (
    يمي يمي حلوو ..

    واذا بطاط مقلي
    اعلمج خلطه راح تقولين ويع بس لمن تذوقينه يمي يمي
    روب + hp
    واذا تبين حطي دقوس بوديج :P

    -

    و كل رمضان وانتي اقرب لله

    ReplyDelete
  9. بلااالييط وهريسه وتالي لقيمات وقهوة

    ReplyDelete
  10. wooow el bu6aa6 wel sala6a eshawgooon!!!;;p

    ReplyDelete
  11. Engineer A

    سامحيني اذا يوعتج و انتي صايمه
    لج الاجر
    ودي تعطيني وصفة الالبه
    اموووت فيها
    و اتفق معاج في اللي تحبينه
    :)

    ReplyDelete
  12. طموحه

    ههههه ادري كلنا يواعه

    ReplyDelete
  13. ابو فلان

    تفطر الساعه ٦
    ما بقى شي
    و كل واحد يتحمل ذنبه
    مالي شغل فيك

    العيش يبيله بوست بروحه

    ReplyDelete
  14. الجودي

    مساء الورد يالجودي
    فطور هني ان شالله

    :)

    ReplyDelete
  15. Nikon 8

    اتفق معاج نيكون
    و انا بعد احب اللي ضفتيهم

    الله يعفيج
    منا و منج صالح الاعمال
    تحياتي

    ReplyDelete
  16. Anonymous

    الله يشفي الوالده ان شالله و يخليها لكم
    و يعطيها الصحة و العافيه
    و سامحيني اذا قلبت المواجع
    و فعلا الخبز يستاهل يكون بروحه بالبوست

    و ملاحظه انا عزيزي مو عزيزتي
    تحياتي
    :)

    ReplyDelete
  17. Jako

    جاكو العزيز
    اتفق معاك هندرد بيرسنت
    :)

    ReplyDelete
  18. katkoota XD

    و انتي بخير و صحه و سلامه
    نورتي المدونه
    و تحياتي لج كتكوته

    :)

    ReplyDelete
  19. بو وليد

    البلاليط مع البيض لا يعلى عليه

    ReplyDelete
  20. امرأه حبلى بالعشق

    علينا و عليج
    و تقبل الله طاعتج اختي
    مشكوره على الوصفات الغريبه
    بس راح اجربها و اشوف
    انا احب اطبخ و اجرب الوصفات
    و على فكره انا واحد مو وحده
    كل عام و انتي بخير
    :)

    ReplyDelete
  21. سدرة العشاق

    اللقيمات و القهوه يبيلها قعده

    :)

    ReplyDelete
  22. Minx

    بالعااااافية

    تحياتي

    ReplyDelete
  23. مبارك عليك الشهر وكل عام وإنت بخير

    ReplyDelete