Sunday, October 10, 2010

SMILE


صباح الورد و الياسمين و الابتسامة
رجعت الخميس من سفرتي للبحرين اللي استمرت يومين فقط
يعني كانت حيل قصيرة
السفره كانت متعبه لكن ممتعه في نفس الوقت

****
لاحظت و انا اقوم بانهاء بعض المعاملات 
الروح الطيبة عند موظفينهم
و حبهم للمساعدة و تبسيط الامور
و القيام بعملهم بكفاءة و الكلام بكل ادب وفوق كل هذا 
توجد لديهم ابتسامة

تصدقون الموظف يعتذرلي و يقولي بلهجتهم الجميلة  
المسامحه يالشيخ أأخرك  ١٠ دقايق
بس عشان أخلصلك معاملتك و ماخليك تروح و ترجع مره ثانية
هههه ابتسمت و انا داخلي يضحك
لما تذكرت جم موظف مروا علي بالكويت يقولون لي بنزره تعال باجر

و الثاني لما درى اني راجع الكويت و ما عندي وقت
استنفر الكل و دق تلفونات عشان شغلي يخلص

و هذا كله من غير ماعرفهم و لا يعرفوني
و لا احتجت لواسطة غير الكلمة الطيبة و الابتسامة

****
في السفر احس الابتسامة تلعب دور أكبر في يومي
امشي ابتسم للناس 
اروح اي مكان ابتسم و يبتسمون لي
يعني احس طول اليوم فيه تبادل ابتسامات
مادري ليش
و هل بس انا اللي جذي ؟ 
****
و في السفر يزيد عندي الشعور بالرومانسية
و يزيد عندي الاحساس بالرغبة في مشاركة من أحب
كل لحظة سعيدة و كل تجربة جديدة و كل مكان جديد

ولذلك عندما اسافر وحيدا يزيد لدي الشعور بالوحدة
و لكني اقف عند أي منظر جميل
و أتذكر كل من أحب و أتذكر حبهم لي و أبتسم

****
الأيام القادمة في دوامي ستكون ايام عصيبة
و سأضطر ان اتعامل مع اشخاص اكره التعامل معهم
و سيكون من الصعب علي الابتسامة 
لذا ساعدوني أن أبتسم
و ما يجعلني ابتسم كثيرا هي تعليقاتكم التي أتوق لقرائتها
فهي تذكرني بأن 
هناك اناسا تكون بهم الحياة أجمل

****
SMILE
by
MJ


15 comments:

  1. يا صباح العسل يا عسل
    وانا اقول الكويت منور اليوم
    حمدلله على السلامة
    اهل البحرين معروفين بطيبتهم وببشاشة وجوهم
    والكرم والجود

    ابستم حق نفسك مو لهم

    صباح القشطة

    ReplyDelete
  2. قوووية ابستم
    تعديل : ابتسم

    ReplyDelete
  3. الحمد لله علي السلامة دكتور
    ماشاء الله شوقتني ازور البحرين 
    الصراحة قلة الابتسامة شغلة ملاحظة هالايام
    حتي اذا ابتسمت بالغلط وانت ماشي تشوف الناس تخزك جنك مسوي شي غلط
    الله يعينا ويعينك علي نفسيات الناس الا من رحم ربي

    ReplyDelete
  4. تو ما نورت الديره
    :))
    الحمدلله على السلامة دكتورنا"ما معاكم خبر زين يا رسول السلامه ،بسألك عن البحرين كيف اهل المنامة ؟
    ولقيت الزين كله ببوستك ان اهل البحرين مثل ما اهمه ما تغيروا باطباعهم الحلوه الي امحببتنا فيهم ولا كلمة "يا شيخ " او يا الشيخة"قمه فى الرقى الله لا ايغير عليهم انفوسهم الحلوه.والاحاسيس الي شعرت فيها بالسفره هذا شي طبيعي ان الانسان يحب ان يشاركه احبابه كل لحظه حلوه ايعيشها والله ايخليلك احبابك.
    وبالنسبة للشغل لا اتحاتي ما دام انت راضي ربك وضميرك فتاكد ان ربك بيكون معاك وما دام ربك معاك من محتاج احد من خلقه...الله ايوفقك ويسهل امرك.
    ولكم بااك مره ثانية

    ReplyDelete
  5. تو مانورت الديرة :)

    _________

    الاغنية من كثر ما احبها وتأثر فيني ما اسمعها الا في وقت الازمات!

    اهي اغنية شارلي شابلن اعاد غنائها المرحوم! كتحية له

    ReplyDelete
  6. الف الحمد لله ع السلامه
    اثر الابتسامه على اللي حوالينك وايد كبير
    من جذي صارت صدقة
    تمشي و تبتسم و تاخذ حسنات.. مافي اسهل من جذي

    موفق

    ReplyDelete
  7. يا حلات اهل البحرين

    و ياحلات الابتساحة
    و يا حلات الاغنية

    و يا حلاتني

    ReplyDelete
  8. الحمدالله على السلامة

    ReplyDelete
  9. نمووول

    هلا بالغالي
    الله يسلمك
    الكويت منوره بأهلها

    صباحك و مساك ورد و ياسمين

    ReplyDelete
  10. Sweet Revenge

    الله يسلمج سويته
    شلونج ان شالله بخير
    مثل ما قال نموول
    نبتسم حق نفسنا مو لهم
    :)

    ReplyDelete
  11. Engineraa

    هلا بمهندستنا العزيزه

    الكويت منوره فيكم
    ههههه اهل المنامه بخير و يسلمون عليكم
    :))
    مشكوووره يالشيخه علي التعليق الجميل
    الله لا يحرمني منكم
    :)

    ReplyDelete
  12. Jako

    منوره فيكم يا جاكو العزيز

    الاغنيه فعلا مؤثره و تصلح لي هالايام
    هههه
    :)

    ReplyDelete
  13. Hope

    الله يسلمج يالغاليه

    فعلا و الابتسامه معديه
    اذا بدأنا نبتسم للناس
    راح نلقى الناس تبتسم لنا

    ReplyDelete
  14. ناعمة الهمس

    و يا حلات هالتعليق

    :)))

    ReplyDelete
  15. SLASHY

    الله يسلمج
    شاخبارج سلاشي
    بشريني عنج ؟
    و شلون فيشه ؟

    ReplyDelete