Wednesday, November 17, 2010

آنا و العيد و العيال


أولا أحب اعتذر من كل زملائي و أصدقائي
المدونين و المدونات اللي اتابعهم و يتابعوني
لأني ما قدرت امر عليهم و ابارك لهم بالعيد
بصراحة العيال مو مخلين لي وقت حق اي شي
خصوصا في العطل الطويلة تنقلب مهنتي الى دريول . يعني سايق
يعني بلغة الرياضيات
آنا + عطلة عيد طويلة + عيال = انا يشتغل دريول بابا
 ودنا الالعاب 
خل نتغدى بره 
عقب الغدا يسألون وين بتعشينا
و بصراحة الجو يشجع
و ماله داعي اقول انه وزني زاد من بداية العطلة
عقب ما اوديهم حديقة او على البحرعشان يلعبون بسكوتراتهم 
اول ما يركبون السيارة يقولون ودنا الالعاب
اقولهم لهم مو توكم لاعبين
يقولون هذي مو العاب
اقولهم عيل شنو ؟ احنا كنا طالعين من محاضرة مثلا ؟
و هلم جرا
المهم أمس و احنا في الدائري السادس لمحت علامة برو كارت
قلت خل اوديهم لانهم يحبون سيارات الكارت
اول مره اشوف المكان
والله مسوين خوش حلبة و عندهم سيارات لمختلف الاعمار
ابتداء من 6 سنين
و هذي الصور اللي أخذتها بموبايلي


****
طيوبة و عبيد يستعدون تقنيا و يتهيأون نفسيا 
للسباق الحاسم
انها لحظات صعبة


بدأ السباق و نشوف طيوبة في المقدمة
و المنافسة على أشدها


أما حمودي فسيارته أكبر و لا يخشى المنافسة
نراه هنا يحلق بسيارته منفردا عن باقي السرب
مستمتعا بلحظات الغروب



نقطة النهاية في انتظار الفائز
بس ماني قايل لكم منو فاز


  
Published with Blogger-droid v1.6.5

6 comments:

  1. هههه اي لازم هذي وظيفة الاب.. خصوصاً بالاجازات
    الله يحفظهم ويخليك لهم يارب

    :)

    ReplyDelete
  2. ويه يا حظهم فيك مو ابوي مايدري عنه بالبيت زهقانين او مستانسين :(

    الله يخليهم لك ويخليك لهم يارب

    ومنووو فاااز ابي اعرف انا شلوون

    ReplyDelete
  3. عيدكم مبارك و كل عام و انتم بخير :)

    الله يحفظهم و يخليهم لك

    انا من نصيرة البنات و أشجع طيوبه :D

    ReplyDelete
  4. mr. a7medoo

    تسلم اخوي
    اي والله وظيفة صعبه
    الله يحفظلك من تعز ان شالله

    ReplyDelete
  5. السنبلة

    ايامج سعيده يا رب
    و يحفظلج من تحبين
    هذا ما يبيله كلام
    حتي انا اشجع طيوبه

    ReplyDelete
  6. Unique Girl

    تسلمين
    ههههه الله يحفظلكم الوالد
    الحين انتوا كبرتوا
    خلوه يشوف روحه شوي
    :))
    تصدقين مادري منو فاز
    هههههه
    كنت اصور الغروب
    :)

    ReplyDelete