Saturday, October 31, 2009

My iPhone - Part 2



اليوم راح نتكلم عن مساوئ الايفون
The Bad

١- اول عيب شرعي في الايفون الجديد اعتقد هو البطاريه
الشحن ما يطول اكثر من نص يوم
لما ارد الدوام احتاج اني اخليه في الشاحن
يعني يبيلكم شاحن سياره عشان لا يخلص الشحن عليكم
طبعا هذا مع استعمال مكثف شوي لاني من اخذته و هو ما يطيح من ايدي
لكن حتى اذا مااستعملته ما راح يوصل للمغرب
و هذا هم غير مقبول

٢- ثاني عيب شرعي فيه هو التعامل مع الملفات
نقل ملفات الاغاني و الصور و الفيديوات يحتاج دائما
الى توصيل الجهاز بالكمبيوتر و عن طريق برنامج اي تونز
و يجب ان يكون التوصيل عن طريق واير

اما نقل الفايلات عن طريق البلوتوث فمحدود
بس مع اي فون ثاني او اي بود تش
لكن توجد برامج و تطبيقات ممكن ننزلها و تساعد في تبادل الملفات
لكن للحين ما جربتهم

٣- مشاهدة و تخزين ملفات
office and PDF
هم يحتاجون تطبيقات و برامج خاصه لازم نشتريهم و ننزلهم
عشان نقدر نخزن و نقرا هالملفات

٤- مثل ما ذكرت في البوست الاولى
الكاميرا ينقصها الفلاش
و مافيه برنامج
Photo Editing

٥- الايفون فيه برنامج ايميل
تقدرون تخلونه يحول لكم الايميلات
من الجي ميل و الياهو
لكن مافيه للهوت ميل
يقولون فيه طريقه بس للحين ما عرفتها

٦- افتقدت ميزه كانت موجوده في نظام السيمبيان اللي في نوكيا
و هي عمل فولدرات للمسجات
كنت اقدر اخزن مسجاتي في فولدرات
مثل فولدر للنكت و فولدر لرسائل التهنئه
لكن لا يمكن عمل هذا مع الايفون
في الايفون يتم تجميع المسجات مع بعض على حسب المرسل

****

هذي بالنسبه لملاحظاتي
و ارحب بكل من عنده تجربه مع الايفون
انه يتكلم لنا عن تجربته و ملاحظاته

****

اعتقد مثل ما شفتوا ماكو جهاز كامل
و لكل جهاز جوانبه الايجابيه و السلبيه

و يظل الحكم الوحيد في هذه الامور هو المستخدم نفسه

عليه ان يحدد اي جهاز يناسبه على حسب احتياجاته
ويقرر اي جانب يمثل له اولويه لا يمكن التنازل عنها
و اي جانب لا يهمه

و ان شالله تكونون استفدتوا من هذا البوست

تحياتي



10 comments:

  1. الصراحة انا ماجربته
    بس اعرف ناس مجربينه
    ومن الحجي الي سمعته ان ال اي فون التقليدالصيني احسن من الاصلي( ليي هالدرجة) لانه واايد معقد ومو عملي

    وعليك بالعافيه:)

    ReplyDelete
  2. weeeeeee elba6aryah et-hoon bas shelfaydah etha kilshay lazim bl itune o ham salfat el folders a7is-haaa tharoryah .. malna ela NOKIA

    ReplyDelete
  3. صراحة مميزاتة تغطي على عيوبة

    ReplyDelete
  4. Fantaseyah

    ماعتقد الايفون معقد
    لكن هو مختلف عن باقي الاجهزه و يحتاج وقت للتعود عليه
    و عقبها ما تلقون ابسط منه

    الله يعافيج :)

    ReplyDelete
  5. Chubby-Doll

    etha taben nokia .. i highly recommend u wait for Nokia E72
    im sure u gonna like it

    look it up

    ReplyDelete
  6. حسافتج يا كويت

    انا بعد اقول جذي
    بالنسبه لي على الاقل
    انا مرتاح منه
    و يبيلي وقت القي حل حق بعض العيوب اللي فيه
    كل شي فيه يحتاج تطبيقات

    ReplyDelete
  7. يعني (لا) للـ آي فون و (نعم) لنوكيا
    إذا ما يصير نسوي فولدرات للمسجات فما ينفع
    إلا جان نخلي الآي فون سبير ممكن
    يظهر انه مو عاجبك لأنه ما ذكرت آنفاً غير المساوء
    شكراً على البيانات و المعلومات المهمة ^_^

    ReplyDelete
  8. خاتون

    الظاهر ما قريتي البوست اللي قبله
    انا فصلت المميزات عن العيوب
    و خليت كل مجموعه في بوست

    بالنسبه لي انا ممكن استغنى عن فولدرات المسجات
    و مرتاح من التلفون لانه احسن جهاز اقدر اشبك منه بالنت

    حياج الله

    ReplyDelete
  9. بو علي
    من المهم ان نحط اساس نبني عليه في النقاش...
    فالأساس الأول والأخير ان واحد مثلك مقرود وقارد الأجهزة وياه لا يؤخد برأيه أبدا أبدا أبدا

    ReplyDelete
  10. بدران

    هههههههههههههههه

    هلا بومحمد
    انا مو ذنبي ان التكنلوجيا مو ملحقه معاي
    و للحين ماكو شركه تعرف تسوي جهاز يناسب احتياجاتي
    شسوي بعمري يعني ؟

    ReplyDelete