Friday, October 30, 2009

10 Days with My New iPhone 3Gs


الحين صارلي تقريبا ١٠ ايام مع جهازي
iPhone 3GS
و مثل ما وعدتكم هذا البوست راح يكون
عن تجربتي القصيره مع هذا الجهاز
و انطباعي عنه

****

طبعا جهاز الايفون جهاز يختلف تماما عن اي جهاز تلفون ثاني
و ذلك بسبب نظام التشغيل الخاص فيه من ابل
و بسبب شاشته اللي تعتبر من افضل شاشات ال
touch screen
بالنسبه لتجربتي مع الجهاز فما زالت في بدايتها
و اعتقد راح نحتاج بوست ثاني و ثالث لمواصلة تقييم الجهاز
او بمعنى ادق تقييم التطبيقات و البرامج المستخدمه معاه
فالبرامج الخاصه بالايفون لا تعد و لا تحصى
و ساحتاج لوقت كبير للتعرف علي الكثير منها
لذلك سيقتصر هذا البوست علي تقييم الجهاز نفسه
و استخدامه كتلفون

****

فلنبدأ بالاشياء الجيدة اولا

١- الجهاز سريع في التشغيل و في التنقل من تطبيق لاخر
٢- الشاشه ممتازه و تستجيب بسهوله للمس و حجمها مناسب
واعتقد انها من اكبر الشاشات بين الموبايلات
٣- نظام التشغيل بسيط و سهل الاستعمال لكنه مختلف تماما
عن ما تعودنا عليه مع الموبايلات الاخرى مثل نوكيا و سوني اريكسون
و يحتاج لبعض الوقت للتعود عليه و هذه ليست بمشكله
٤- الجهاز مستقر و ما يعلق وايد
و من شريته بس علق معاي مرتين و كان بسبب تطبيقات نزلتها من النت
و لاني كنت وايد اجربه و اشتغل عليه فهذا ما يعتبر مقياس
اعتقد الجهاز مستقر و وايد احسن من اخر جهاز لي من نوكيا
٥- اعتقد الايفون افضل جهاز موبايل في تصفح النت
الشاشه كبيره و برنامج سفاري لتصفح النت سهل جدا
و مشاهدة يوتيوب فيه ممتع و سهل كذلك
٦- طبعا الكتابه في الايفون تعتمد على كيبورد
touch qwerty keyboard
و من السهل جدا الكتابه فيه سواء بالعربي او الانجليزي
مع اني من المحبين للهارد كيبورد
و التغيير بين اللغات سهل جدا
و هناك مصحح املائي اثناء الكتابه ممكن تشغيله او اطفائه
و هناك ايضا ميزة عمليه مفيده هي
cut and paste
يمكنك نسخ اي مقطع من اي كتابه و نقلها في مكان اخر
٧- عملية الاتصال سهله و كل ما تحتاجه من وظائف اثناء المكالمه
مثل الهولد و الميوت و السبيكر موجوده و سهله
٨- انا عندي في سيارتي بلوتوث هاندفري
و كنت اعاني وايد منه مع اجهزة النوكيا لانهم دايما يفصلون عنه
حتى مرات بغيت ادعم بسبة هالسالفه
لكن مع الايفون لقيت انه يشبك بكل سهوله مع السياره
و مستقر و ما يفصل
٩- شاحن الايفون يعتمد على وصلة (واير) في طرفها
USB
فاذا وصلت هذي الوصلة لاي جهاز فيه مدخل
USB
راح يشحنلك الايفون
يعني مو شرط تشحنه من الشاحن بس
لكن ممكن تشحنه من اللابتوب او الكمبيوتر او البليستيشن
١٠- من السهل نقل المعلومات مثل ارقام التلفونات و امواعيد الرزنامه
من الكمبيوتر للايفون عن طريق الاوت لوك او من كمبيوترات ابل
١١- كاميرته ممتازه و فيها ميزة تغيير منطقة الفوكس باللمس
لكن ينقصها الفلاش
١٢- طبعا الاستماع للموسيقى و تصفح الصور متعه مع الايفون
و اللي متعود علي الايبود ما عنده مشكله مع الايفون
١٣- ميزة سبوت لايت موجوده الان في الايفون
و هو برنامج بحث عن اي شي في التلفون
مجرد اكتب اول كم حرف و تظهر لك قائمه بكل شي موجود بالتلفون
يبدأ بهذه الاحرف

هذه بعض المميزات الجيده في الايفون
و حاولت ان اذكر لكم الاشياء العمليه اللي تهمني كمستخدم

****
و راح يكون لنا بوست ثاني نكتب عن عيوب الايفون
او بعض جوانب القصور فيه

و الان انا في انتظار استفساراتكم و اسألتكم
لانه اكيد في شغلات انا نسيت اذكرها

****

تحياتي

18 comments:

  1. مادري ليش اخاف من هالنوعيه من الشاشات
    كله احس انها تعلق او توهق الواحد

    عاد تدري اني ادور موبايل الحين ومادري شنو اخذ .. ومتردده اني اخذ بلاك بيري

    شنو نصيحتك؟
    :)

    وعليك بالعافيه
    :>

    ReplyDelete
  2. wallah from ur review mbayen yabelah wa7ed ..

    ReplyDelete
  3. عندك دكتور بوعلي اذا كتبت شي وتبي تتراجع تهز الجهاز هزه وحده وراح تشوف شنو راح يطلعلك

    الصراحه بالعافيه عليك الجهاز وراح تحبه اكثر وأكثر

    من عيوبه الفلاش مافي فلاش للتصوير وكذلك البلوتوث لاينقل ملفات وايضا الي اشوفه عيب اي مقطع او صوره تبي تضيفها لازم توصله بالكمبيوتر

    ReplyDelete
  4. weeeeeeeee y3ni lesh feeh blutooth etha mayangil files ??????
    shelfaydah ?

    ReplyDelete
  5. Fishah

    بالنسبه لشاشة الايفون لا يعلى عليها
    و نادر ما يهنق و اللمس فيه وايد عملي وسهل

    بالنسبه للبلاك بيري انا ما شوف فيه اي ميزه غيرخدمة الماسنجر اللي فيه
    و خدمة الايميل
    اذا كانو هذيلي مهمين لج اخذيه
    لكن اذا ما كانوا مهمين انصحج تبتعدين عنه
    و اذا تحبين الهارد كيبورد و ما تحبين التش
    انا انصحج تنطرين جهاز نوكيا
    E72

    و تابعيني عشان راح اكمل عن الايفون
    تحياتي

    ReplyDelete
  6. Chubby-Doll

    u need to wait to read the rest of the review
    and see the drawbacks
    maybe u will change ur mind

    it depends on whats important to u

    ReplyDelete
  7. ابو فلان

    يعطيك العافيه بو فلان
    مشكور علي المعلومات
    و في انتظار مساهمات اكثر منك
    :))
    ما قصرت

    ReplyDelete
  8. Chubby-Doll

    the bluetooth is mainly for hand free set.
    but if install certain applications u can transfer files from one iphone to another or to ipod touch.
    however there is another way to transfer files which needs hacking.

    ReplyDelete
  9. السلام..

    ماشاءالله فيه خوش مميزات..

    انا هم تلفوني تج وودي احذفه لوع جبدي ..

    بس اشوه مو بس باللمس لمس ودقم عاديه ..

    مشكور..

    ReplyDelete
  10. انا صارلي شهرين مع الجهاز
    الجهاز ماله منافس خاصه للي يسخدمونه في الانترنت والتسليه

    يتفرد الايفون بشاشته الكبيره بالاضافه الي ميزه تعدد اللمس باجي الاجهزه تستخدم صبع واحد بس وهذا يصعب التصفح والكتابه البرامج خياليه

    انا جربت ال3 جي والحين الاس الفرق بالسرعه

    عرض جميل لمواصفات الجهاز
    وجهد واضح بانتظار القادم

    ولا تشتري ماسنجر IM
    يعلق وايد جرب غيره اذا تحب الالعاب انصحك بنيد فور سبيد والمنبولي خطيره

    شكراً

    ReplyDelete
  11. رورو الشخبوطه

    انتظري بقية التقييم
    عشان تقررين اذا كان الايفون ينفعلج و الا لا

    ReplyDelete
  12. نمووول

    مشكووور نمووول علي المعلومات القيمه
    و اتمنى نقرا المزيد من كل من جرب الجهاز

    بالنسبه للمسنجر استخدم
    الاي بدي اشوفه زين

    ReplyDelete
  13. احنا الاتصالات عندنا حشرونا

    كل يومين مسج عن الاي فون 3 جي

    مسوين عروضات وايد عليه :)

    ReplyDelete
  14. اقصوصه

    حياج الله في تعليقج الاول في المدونه
    الواحد لازم يكون حريص من هالعروض
    و حرام تشترون تلفون يكون مقفول علي شركه وحده
    هذه مشكله لازم ننتبه لها

    تحياتي

    ReplyDelete
  15. أنا جهازي نوكيا و اوريدي ما يعلق
    بس الحلو اللي بالآي فون حسب اللي ورد بالبوست
    الكتابة فيه حدها تشجع لاني وايد بطيئة بكتابة المسج على كثر ما أكتب و الشحن حدها ميزة مريحة
    أنا قريت المساوء أول بس جنه في حسنات تشجع بس همن نوكيا ما ينقط ...شكرا جزيلاً على البوست النافع و المفيد جداً

    ReplyDelete
  16. خاتون

    طبعا اذا كان جهاز النوكيا جهاز زين و ما يعلق
    اكيد ما ينقط و له مميزات كثيره
    و اذا حابه النوكيا و محتاجه جهاز الكتابه فيه سريعه
    انصحج في
    Nokia E72
    شوفيه بالنت و في يو تيوب
    راح يكون جهاز ممتاز ان شالله

    ReplyDelete
  17. خاتون

    حياج الله في اي وقت

    ReplyDelete