Monday, July 6, 2009

360 Mall

اليوم اخذت العيال و رحنا مجمع ٣٦٠
كانت الساعة تقريبا ٢ العصر قبل الزحمة
طبعا اول شي لاحظته ان في فوضى بالمواقف و في سيارات وايد واقفه في اماكن غلط و قريبه من المداخل
ثاني شي تقريبا نص المحلات في المجمع ما فتحت

انا كنت حاجز تذاكر حق فيلم
Transformers 2 in IMAX Cinema
وحجزت في اخر صف يعني ابعد صف عن الشاشه لاني قريت مره تعليق حق واحد يقول انه دخل الفيلم في دبي و كان قاعد قريب من الشاشه و ما استانس لان الشاشه وايد كبيره
و فعلا اكتشفت ان كلامه صحيح
الشاشه كبيره و الفيلم اكشن و كله لقطات سريعه لا يمكن مشاهدتها بارتياح من قرب
يمكن الوضع يختلف لو كان فيلم خاص للايماكس فيه مناظر و لقطات بطيئه ممكن الواحد يقعد بالنص
لكن فيلم اكشن.. الافضل الابتعاد عن الشاشه
الشي الثاني المقاعد الخلفيه مخصصه للعائلات فقط .. فاذا كنتوا بس شباب انسو
بصراحة قسم السينما في المجمع كبير و فيه ١٥ صالة عرض منهم صاله ١٣ الايماكس
والصالات ديكوراتها بسيطه و يغلب عليها اللون الاسود نفس صالات مجمع الافنيوز
انا بصراحة استمتعت بالايماكس
تجربه حلوه .. صورة نقيه جدا و صوت ممتاز مع اني كنت افضل اني احس بالبيز اكثر
بالنسبة للفيلم حسيت انه طويل و لقطات الاكشن كثيرة و مكررة و حسيت شوي بالملل لكن وجودي بالايماكس واستمتاعي بالتجربة هون علي
و من الاشياء اللي عجبتني بعض اللقطات الطريفة اللي تخللت الفيلم و ضحكتني وايد
اما بطلة الفيلم فما كان لها اي داعي بالفيلم ووجودها كان فقط لشي واحد.. نقط نقط
وعقب الفيلم طلعنا و رحنا السيارة و لاحظنا الزحمة زادت وايد
هذي تجربتي مع اول يوم لنا في مجمع ٣٦٠

7 comments:

  1. عندي مليوون سؤال واستحمل قرقتي من بعد اذنك طبعاا اول شي
    هالمجمع وين صاير ؟؟ صج اني بالكويت بس بكثره البيات الشتوي الصيفي الربيعي الخريفي ما ادل غير الافنيوز والمرينا بسبب قربهم من تواجدي فقط
    ثاني سؤال منووو هالكتكووته الحلوه اللي بالصوره الاولى لاتقول بنيتك اذا بنيتك انا احجزها من اللحين لاخوي اللي اعتبره ولدي احمد حماده
    والسؤال الثالث انت من صجك رايحلي الاي ماكس ماكوو شغل على سعر هالتذاكر شفتها بالجريده بصراحه طالت وتشمخت على فيلم ثلاث ارباعه مقطع وغير لجه الجهال ادفع هالمبلغ
    واخر سؤال المجمع حلوو يعني فيه شي جديد ولا مثل اي مجمع ثاني ؟

    ReplyDelete
  2. هلا فيج اخت اماني
    المجمع موجود في منطقه الزهراء جنوب السره و يبين من الدائري السادس
    يعني اذا انتي جايه من السالميه و رايحه في اتجاه الجهراء المجمع راح يكون علي ايدج اليمين
    ثانيا هالكتكوته بنتي طيبه و هي البنت الوحيده من عقب ٤ صبيان يعني يمعو المهر من الحين
    وثالثا والله الايماكس تجربه حلوه و اول مره ادش فيلم اكشن بالايماكس
    و طبعا مو دايما راح ندشها الا اذا كان فيه فيلم يسوى
    و اخيرا المجمع ما اكتملت ملامحه من داخل للحين لان مو كل المحلات فاتحه بس مبين انه مختلف من ناحيه التصميم و الماركات و مافيه محلات الشايع المكرره
    حياج الله

    ReplyDelete
  3. I Iam looking forward to going to the Fourth Pyramid Exhibition! I just dont wanna go through the hassle of parking and crowds!

    ReplyDelete
  4. hi ansam
    ive seen the exhibition in bahrain .. if it is gonna be the same then it is not much.. only few pics and fewer items.
    but from what i read in the news paper there will be more items.
    as for the parking.. try to go early in the day .. before 3 pm.
    beside there is large pay-parking space near Geant.

    ReplyDelete
  5. الله يحفظهم لك
    بنروح إنشوف المجمع
    مشكووووور
    :)

    ReplyDelete
  6. حياج الله ام السعف
    والله يسلمج

    ReplyDelete
  7. مسكووور اخوي والله يخلئلك غيالك ،، بس حبيت استفسر عن مطاعمه أبي مطعم يصلح للريوق غير الكافيهات

    ReplyDelete